Convocatoria de bolsa para a axuda á integración

A Universidade de Vigo convoca unha bolsa para a axuda á integración dunha persoa con necesidades educativas especiais. Poderá ser solicitada por alumnos de 1º curso do Grao en Publicidade e Relacións Públicas e o prazo remata o día 27 de outubro.

MÁIS INFORMACIÓN

III Xornadas de Fundraising e Mecenado

A Reitoría e o Consello Social da Universidade de Vigo organizan as III Xornadas de fundraising e mecenado os días 22 e 23 de outubro na sede da Fundación Barrié en Vigo (Policarpo Sanz, 31, 36202 Vigo).

As persoas interesadas en participar deben rexistrarse na WEB das xornadas, na que poden atopar toda a información.

Ciclo Cero Violencia Viaria

Hoxe mércores comeza o Ciclo Cero Violencia Viaria, organizado polo Concello de Pontevedra, a Policía Local e a Dirección Xeral de Tráfico e aberto a tódalas persoas que desexen asistir.

Inclúe un programa de actividades e conferencias que se desenvolverán no campus tódolos mércores ata o 11 de novembro. 

Podedes atopar máis información no seguinte ENLACE

Sesión formativa sobre recursos da biblioteca

Estimados alumnos e alumnas de 1º curso, 

A próxima semana terá lugar unha sesión formativa sobre os recursos da biblioteca para os estudantes de 1º curso do Grao. Para facilitar a asistencia, a sesión impartirase dúas veces:

- O martes 20 de outubro, de 16.00 a 18.00 horas

  ou

- O mércores 21 de outubro, de 16.00 a 18.00 horas

Se estades interesados en asistir debedes inscribirvos a través do seguinte FORMULARIO, indicando os vosos datos e o día en que ides asistir á sesión.

Tendes máis información no seguinte ENLACE

Primeiras novas sobre o We Are Ads

ENLACE á nova do Duvi.

Información sobre TFG

Estimados alumnos matriculados en TFG,

Nestes momentos estamos pendentes do nomeamento dun novo coordinador de traballos de fin de grao. Entre tanto, tende en conta as seguintes indicacións:

- Alumnos matriculados na convocatoria de outubro: aínda que as datas non están aprobadas, prevese que a data límite de entrega dos proxectos por rexistro sexa o 23 de outubro e que as defensas teñan lugar entre os días 2 e 6 de novembro, en función da dispoñibilidade do tribunal (dado que é período docente).

- Alumnos matriculados para as convocatorias de maio e xullo: o proceso de asignación de titores comezará, previsiblemente, ao longo do mes de outubro. Nembargantes, é conveniente que vaiades pensando xa en temas e propostas concretas que vos gustaría desenvolver no voso traballo de fin de grao e nos posibles titores.

Toda a información sobre traballos de fin de grao canalizarase a través da plataforma FAITIC, polo que é conveniente que accedades a ela polo menos unha vez para figurar na lista de avisos.

Saúdos

Mabel Míguez

ASIGNACIÓN GRUPOS ACTUALIZADA

Estimados alumnos,

- Neste ENLACE podedes acceder aos grupos actualizados de 1º curso. Lembrade que os alumnos que me indicastes que ides facer un cambio de matrícula para pasar de Linguaxe publicitario en Galego a Castelán ou viceversa debedes efectuar esa modificación en administración no prazo habilitado ao efecto (consultade en administración). 

- Neste ENLACE podedes acceder aos grupos actualizados de 4º curso. Lembrade que aqueles alumnos que accedestes ás materias polo proceso de preinscrición de setembro e aqueles que pedistes algún cambio xustificado de optativa que queda recollido nesta asignación, debedes formalizar a matrícula ou o cambio en adminsitración no prazo habilitado ao efecto.

- Como xa se indicou no documento anterior, os grupos de 2º e 3º curso permanencen, inicialmente, como no curso anterior. Non dispoño de listados completos, polo que calquera posible modificación debedes xestionala co profesorado das materias. Concretamente, no 2º curso a profesora Pilar García Soidán estase ocupando de elaborar un listado detallado, dado que ten limitacións de postos nas aulas de informáticas, polo que antes de facer calquera modificación contactade con ela.

Enviádeme algún mail canto antes se detectades algún erro. Para os cursos de 1º e 4º non se atenderán xa novas solicitudes de permuta ou cambio de grupo ou materia.