Festival We Are Adds

Estimados alumnos,

Lembrámovos que ata o 31 de xaneiro de 2015 está aberto o prazo de inscrición para o festival We Are Adds, festival universitario de publicidade organizado polos propios alumnos da Facultade de Ciencias Sociais e da Comunicación.

Podedes presentar traballos de clase, adaptación destes traballos ou novos proxectos.

Tendes toda a información sobre o festival en:

 http://weareads.wix.com/waafest 

 https://www.facebook.com/weareads?ref=bookmarks 


CARTEL

Listado provisional de asignación de propostas temáticas e titores de TFG

Estimados alumnos,

Tendes en FAITIC o listado provisional de asignación de propostas temáticas e titores de TFG.

Prazo para facer alegacións: dez días desde onte.

As alegacións deben enviarse á coordinadora de TFG, a profesora Carmen López de Aguileta Clemente.

CONVOCATORIA PREMIOS INCUVI-EMPRENDE

O día 11 de decembro de 2014 publicouse no taboleiro do rexistro xeral do Campus de Vigo a 4ª convocatoria dos premios INCUVI-Emprende, co obxecto de promover e premiar, nos tres campus da Universidade de Vigo, a elaboración dunha idea de negocio creativa baseada en calquera das ramas do coñecemento contidas nos plans de estudo da Universidade Vigo. 

‒        Campus de Vigo: 6 premios consistentes nunha subvención dos custos da estadía por un período máximo dun ano nun dos espazos da preincubadora Incuvi situados na Cidade Universitaria.

‒        Campus de Ourense: 4 premios consistentes nunha subvención dos custos da estadía por un período máximo dun ano nun espazo de traballo designado por Tecnópole situados na incubadora de empresas do edificio CEI ou na sala de coworking do edificio Tecnópole I, ambas no recinto do parque Tecnolóxico de Galicia.

‒        Campus de Pontevedra: 2 premios consistentes nunha subvención dos custos da estadía por un período máximo dun ano nun dos espazos da preincubadora situados na sede de AJE Pontevedra.

DESTINATARIOS: Alumnado actual e persoas tituladas pola Universidade de Vigo no curso 2011/12 ou posteriores.

PRAZO: Ata o 19 de xaneiro de 2015.

MÁIS INFORMACIÓN E DOCUMENTACIÓN:  http://emprego.uvigo.es/emprego_gl/emprendemento/incuvi/

Presentación dos Premios INCUVI-Emprende

CÁNDO: Mércores 10 de decembro, ás 12.00 horas

ONDE: Salón de Graos da Facultade de Ciencias da Educación e do Deporte


Proximamente, a Área de Emprego e Emprendemento da Universidade de Vigo lanzará a nova convocatoria dos premios INCUVI-Emprende, co obxecto de promover e premiar a elaboración dunha idea de negocio creativa baseada en calquera das ramas do coñecemento contidas nos plans de estudo da Universidade Vigo.

O mércores 10 de decembro terá lugar a presentación destes premios no Campus de Pontevedra, ás 12.00 horas, no salón de graos da Facultade de Ciencias da Edcación e do Deporte. No acto estarán presentes representantes da iniciativa empresarial "mueve tu vida", que gañou  o ano pasado os premio Incuvi no campus de Pontevedra, e que acaba de recibir o premio ao xoven emprendedor das mans de AJE Pontevedra.

Tódolos alumnos estades convidados a asistir a esta presentación, xa que os premios INCUVI-Emprende pretenden premiar as vosas iniciativas susceptibles de converterse en idea de negocio, para facer tódalas preguntas que consideredes oportunas.

Actividades vixésimo aniversario

Estimados alumnos,

Como sabedes mañá xoves celebramos o vixésimo aniversario da Facultade cun programa de actividades no que é fundamental a vosa colaboración.

Ás  12.00 da mañá terá lugar o acto institucional, no que se repasará a historia da Facultade, e ó que estades todos convidados. 

Pola tarde, á partir das 16.00 horas, están previstas varias conferencias nas que participarán profesionais de moito prestixio como Allan Batievsky, Jorge Tompo ou Isabel Bagaza.

Por último, a partir das 18.30 horas, terá lugar unha actividade especial, na que se reuniran trinta titulados do centro que están desenvolvendo con éxito a súa actividade profesional para organizar, co alumnado actual, unha sesión de speed dating. Os titulados estarán sentados (e identificados) en mesas independentes intercambiando experiencias cos estudantes actuais (que irán rotando de posto en posto). Unha oportunidade única e innovadora de sentarse, fronte a fronte, ante profesionais que hai poucos anos tiñan as mesmas dúbidas e incertidumes que o alumnado actual.

Falamos, en definitiva, dunha xornada de especial interese que para ser un éxito necesita a activa participación dos estudantes, polo que pregamos tamén de forma especial a vosa colaboración.

Aquí tendes o ENLACE co programa da xornada.

Solicitudes titor TFG

Estimados alumnos de 4º curso,

Este é o enlace a través do que debedes facer a vosa solicitude de proposta temática e titor de TFG:

https://docs.google.com/forms/d/16IYaK1mmasfLENOOCHGX_DHrKnTYEpLt4zO4aNW8zN8/viewform?usp=send_form

Novos perfís en redes sociais da Vicerreitoría do Campus de Pontevedra

Xa podedes seguir á Vicerreitoría do Campus de Pontevedra a través de Facebook e Twitter (@vicerreitoríaPO).

A Vicerreitoría do Campus de Pontevedra (Casa das Campás) é unha organización institucional pertencente á Universidade de Vigo. A súa función principal é a difusión e realización de actividades culturais e deportivas de todo tipo relacionadas coa comunidade universitaria e os seus arredores.
Realízanse actividades de todo tipo: conferencias, cursos, convocatorias de bolsas e/ou concursos, talleres... Tamén exposicións, ciclos de cine, concertos e outras actividades vinculadas coa vida universitaria da cidade de Pontevedra.

O obxectivo da creación destes novos canles nas principais redes sociais do mercado (Facebook e Twitter) é lograr unha maior difusión das actividades que se realizan no seo do Campus Universitario de Pontevedra, ademáis de outras de organización vinculadas ou non á propia universidade.

Toda a información que poida ser susceptible de ser de interese cara ao alumnado do Campus de Pontevedra será publicada nos seguintes perfís en redes sociais:

En Facebook baixo a creación da páxina con nome de usuario Vicerreitoría do Campus de Pontevedra ou a través da seguinte ligazón:https://www.facebook.com/pages/Vicerreitor%C3%ADa-do-Campus-de-Pontevedra/298928946967364?sk=timeline

En Twitter baixo o nome de usuario @vicerreitoriaPO ou a través da seguinte ligazón:https://twitter.com/vicerreitoriaPO

CARTEL INFORMATIVO

OFERTA DE PRÁCTICAS: CULTURAL 2014

Búscanse estudantes para colaborar na organzación da feira Culturgal 2014, que terá lugar en Pontevedra entre o 5 e o 7 de decembro.

ACTIVIDADES A DESENVOLVER:

1) Protocolo, RR.PP. e atención de asistentes;

2) Community manager e dinamización da feira e das súas actividades nas redes sociais.

* Non existe a posibilidade de convalidalas como prácticas curriculares.

DATA MÁXIMA PARA INSCRIBIRSE: Martes 11 de novembro ás 12:00hrs.

Os interesados deben escribirlle a Chechu Pérez: jpseoane@uvigo.es enviándolle 

1) CV

2) expediente académico 

3) xustificante de matrícula (sácase de secretaría virtual).

Nova coordinadora de traballos de fin de grao

Desde onte, a profesora Carmen López de Aguileta é a nova coordinadora de traballos de fin de grao do título, polo que vos pregaría que vos dirixades a ela se tendes calquera consulta relativa a este tema. 

Cualificacións traballos de fin de grao de outubro

As cualificacións dos traballos de fin de grao defendidos na convocatoria de outubro están dispoñibles en FAITIC.

Saúdos

Proxección do documental LAS MAESTRAS DE LA REPÚBLICA

O vindeiro mércores, día 29 de outubro, terá lugar a proxección do documental LAS MAESTRAS DE LA REPÚBLICA (producido por FETE-UGT xunto a Transit Producciones) ás 12:00h. no salón de actos da Facultade de Ciencias Sociais e da Comunicación.

O acto estará presentado por Emma Torres Romay, decana da facultade e Juan Carlos Pires Pereira, secretarios xeral de FETE-UGT Pontevedra-Deza.

TFG Convocatoria outubro

A sesión de defensa de Traballos de Fin de Grao da convocatoria de outubro terá lugar o martes, 4 de novembro, de 9.30 a 13.00 horas, no Salón de Graos. Os alumnos matriculados podedes acceder á información no apartado de documentos e ligazóns da plataforma FAITIC.

Prácticas na Facultade para alumnos de Publicidade e Relacións Públicas

A Facultade ofrece seis prazas en prácticas para alumnos dos tres títulos de grao do centro para colaborar co Decanato nas tarefas de promoción do centro.
Dúas prazas están dirixidas a alumnos de Publicidade e Relacións Públicas. Darase preferencia a estudantes de 3º e 4º curso.

Os interesados deben remitir un correo electrónico a jpseoane@uvigo.es antes do 31 de outubro, incluindo o currículo e o expediente académico.

Máis información no seguinte ENLACE

Asignación de taquillas

Difundo información de Decanato:

Nos vindeiros días vaise proceder a asignación de taquillas para o curso académico 2014-2015 entre todos aqueles membros da facultade que así o soliciten (estudantes, PDI, PAS).

1. As persoas interesadas en dispor dunha taquilla ou renovar a que xa teñen deben comunicarllo a Chechu Pérez entre o 13 e o 23 de outubro:jpseoane@uvigo.es.

Importante:

*** Aqueles usuarios que teñan preferencia pola ubicación da súa taquilla, deben manifestalo na súa solicitude ***

*** Todos aqueles usuarios que xa teñen asignada a súa taquilla deben solicitar a renovación ou cambio no período establecido ***

*** Aqueles usuarios que contan cunha taquilla pero non a queren seguir utilizando deben desocupala antes do 23 de outubro ***

2. Listaxe provisional. O 24 de outubro publicarase no taboleiro da facultade unha asignación provisional das taquillas para o curso 2014-2015. Para a asignación, darase preferencia aos estudantes do centro e á orde de chegada das solicitudes.

3. Período de reclamacións: 24-28 de outubro. As reclamacións realizaranse a través do rexistro universitario ou ben través de correo electrónico:jpseoane@uvigo.es.

4. 29-31 de outubro - baleirado de taquillas: persoal de conserxería e de decanato procederá a liberar aquelas taquillas que, estando ocupadas, pertenzan a usuarios que non tiveran manifestado o seu desexo de renovación dentro do prazo establecido.

5. Os beneficiarios poderán ocupar as taquillas desde o 3 de novembro.

Importante:

*** A partir desta data, cada persoa solicitará en conserxería a apertura da súa taquilla. Unha vez aberta, os usuarios deben comprar un candado para pechala. Eles serán, tamén, responsables do coidado da taquilla ***

Open Call de Freshysweet: 8 de outubro

"Como todos los años Freshysweet busca nuevos miembros para su agencia de publicidad formada por estudiantes a través de un Open Call. 

¿Qué es un Open Call? Una llamada abierta a la participación, un call to action del que pretendemos sacar provecho y conocer a gente interesante que quiera ser partícipe de nuestra pequeña aventura profesional (CARTEL)

Consistirá en pequeñas pruebas de actitud y conocimiento (nada complejas) que nos servirán para conoceros un poco mejor y saber a qué os queréis dedicar dentro del amplio espectro que ofrece la carrera de Publicidad y Relaciones Públicas. 

Buscamos estudiantes que tengan sobre todo ganas de aprender y mejorar profesionalmente, y que sus actitudes nos sirvan como herramienta para desarrollar nuevos e interesantes proyectos relacionados con la publicidad, la comunicación en general o el diseño gráfico, por mencionar algunos ejemplos.

Si tenéis portfolio o curriculum, no dudéis en traerlo y enseñarlo, aunque no es absolutamente necesario. Somos conscientes de la enorme saturación de trabajos y entregas a las que estáis expuestos, por ello valoramos más las ganas de crecer y aprender que los propios conocimientos, ya que al fin y al cabo nosotros también somos todavía estudiantes.

-------------------------------------------------------------------------
Y ahora las cinco W's:

¿QUÉ BUSCAMOS?

/ Creativo/a de arte
/ Creativo/a de copy
/ Planificador/a estratégic/o
/ RRPP & Community Manager
/ Ejecutivo/a de cuentas

¿POR QUÉ?

/ Si estás interesado en trabajar en publicidad con clientes reales y sin salir de la facultad, únete a nosotros.

¿CUÁNDO?

/ Miércoles 8 de octubre a las 16:30

¿DÓNDE?

/ Aula 8 de la Facultad de Ciencias Sociais e da Comunicación de Pontevedra.

¿CÓMO?

/ A través de un Open Call con sencillas pruebas de actitud y conocimiento.

-------------------------------------------------------------------------

Si tenéis alguna duda, comentario o sugerencia, no dudéis en contactar con nosotros a través de nuestro correo electrónico (info@freshysweet.com) o bien a través de nuestro Facebook y Twitter. 

Si no podéis asistir ese día al Open Call os animamos a que nos enviéis un mail o un mensaje a nuestra página de Facebook para que fijemos una cita para que podamos conocernos.

¡Muchas gracias a todos y os esperamos el miércoles 8 de octubre!"

CONCURSO DE IDEAS PARA O DESEÑO DUNHA NOMENCLATURA E IMAXE PARA OS ESCUMOSOS RÍAS BAIXAS.

O obxecto deste concurso promovido pola Deputación de Pontevedra é propiciar a concorrencia de ideas co fin de seleccionar unha nomenclatura e unha imaxe coas que identificar os viños escumosos elaborados co método Champenoise por parte das bodegas circunscritas ó Consello Regulador da D. O. Rías Baixas que poidan ser utilizadas nas actuacións de publicidade, comunicación, publicacións, proxectos e demais, contribuíndo deste xeito a proxectar unha imaxe única para a súa posta en valor e comercialización.

Premio: 5.000 euros

BASES

TALLER COOPERATIVISMO NO SECTOR DA COMUNICACIÓN

O 15 de outubro celébrase na Facultade un TALLER DE FOMENTO DO COOPERATIVISMO NO SECTOR DA COMUNICACIÓN.

Unha actividade de orientación profesional dirixida a aqueles estudantes de 3º e 4º que están interesados en impulsar un proxecto empresarial cando rematen os seus estudos.

Os interesados deben inscribirse en sdfasoc@uvigo.es

ENLACE AO CARTEL INFORMATIVO

Concurso de ideas. Campaña publicitaria Cream Factory

Cream Factory, que es una nueva crema de ron con horchata, lanza un concurso de ideas entre los estudiantes de la Facultad de Ciencias Sociales y de la Comunicación para idear su nueva campaña publicitaria dotado con 600 €. 

Enlace al cartel informativo.

Dudas e inscripción en el concurso: jpseoane@uvigo.es

Bolsas do Campus do Mar

O Campus do Mar convoca sete bolsas de formación complementaria no Campus Dixital do Mar, destinadas a alumnos/as da Universidade de Vigo que estean cursando estudos de licenciatura ou grao nalgunha das titulacións afíns á formación práctica que van desenvolver ao longo do periodo de goce da bolsa.

O plazo de presentación das solicitudes remata o 3 de outubro.

As bases da convocatoria e o anexo pódense descargar na seguinte ligazón:

http://campusdomar.es/?post_type=bolsa&p=8779

Listaxe de persoas inscritas no curso de Mediaset

Neste ENLACE podedes acceder á listaxe de persoas que ata o momento están inscritas no curso de Mediaset.

Se non aparecedes na lista e queredes inscribirvos, enviado un mail a secretariacsc@uvigo.es

Configuración grupos materias optativas 4º curso

Estimados alumnos,

Existen varias materias optativas de cuarto curso con grandes desequilibrios na composición dos grupos. No caso da materia de Publicidade, artes gráficas e tipografía parece que a única opción será levar un grupo á tarde, tal e como vos comentou o profesor.
Outra materia na que podería darse este caso é Relacións Públicas e Protocolo (esta mañá dixen en clase que a materia era Campañas de imaxe e relacións públicas, pero non é así, foi un erro).
Tamén hai problemas cos grupos de Cine e Publicidade.

Pediríavos, por favor, aos alumnos que non teñades incompatibilidades horarias con outras materias, que tratedes de anotarvos nos grupos con menos alumnos, para buscar o equilibrio e evitar ter que mover grupos á tarde.

Saúdos

Prazo modificación matrícula

Estimados alumnos,

Lémbrovos que mañá venres 19 de setembro remata o prazo de modificación de matrícula. No caso dos alumnos de 4º que teñan que matricularse de optativas ou modificar matrícula destas materias lembrade que o aviso que se deu a Xescampus é para que vos activen esta posibilidade, pero tendes que formalizar igualmente a matrícula a través da Secretaría Virtual.

Saúdos

Aclaración sobre os correos electrónicos á coordinación de grao

Estimados alumnos,

Envíovos neste ENLACE información sobre o xeito en que se empregará e se responderá ao correo electrónico desde a coordinación do grao a partir de agora. Prégovos que o leades con atención.

Saúdos

CURSO FORMACIÓN MEDIASET: CORREO ELECTRÓNICO CORRIXIDO

Envío neste ENLACE novamente a información sobre o curso de formación de Mediaset. O novo documento inclúe unha nova dirección de correo electrónico para inscribirse. Por favor, anotádevos mediante este mail. Nos próximos días publicarase unha listaxe das persoas admitidas, aínda que non haberá problema de aforo; se o Salón de Graos non fose suficiente o curso desprazaríase ao Salón de Actos para poder acoller a tódolos interesados.

Saúdos

Cambios de aula por mor de selectividade: CORRECCIÓN DE ERROS

Envío novamente os cambios que se producirán na asignación de aulas por mor da selectividade. No post anterior había erros:

*** A comisión da CIUG disporá da sala de reunións 2 (terceiro andar) para o seu uso. Por tal motivo, estará prohibido o acceso a esta dependencia entre o martes 16 e o luns 22.

*** Os exames de selectividade vanse celebrar nas aulas 6, 7, 8 e no seminario 3. As clases previstas nestes espazos pasarán a impartirse nas seguintes aulas:

////////// MÉRCORES 17 //////////

- Comunicación de Crise (PRP4, Félix Blanco), de 9:00h a 11:00h. Prevista no seminario 3 >>> PASA A IMPARTIRSE NA AULA 4.
- RR.PP. e Protocolo (PRP4, María Montero, de 9:00h a 11:00h. Prevista na aula 8 >>> PASA A IMPARTIRSE NA AULA DE PRODUCIÓN.

- Xéneros Audiovisuais (CAV2, Anna Amorós), de 10:30h a 13:30h. Prevista na aula 4 >>> PASA A IMPARTIRSE NO SEMINARIO 10.

- Lenguaje Publicitario (PRP1, Ana Fernández Soneira), de 10:00h a 14:00h. Prevista aula 7 >>> PASA A IMPARTIRSE NO SEMINARIO 6.

- Opinión Pública (PRP4, Aurora García), de 11:00h a 13:00h. Prevista na aula 6 >>> PASA A IMPARTIRSE NA AULA 4.

- Campañas de Imaxe e de RR.PP. (PRP4, Félix Blanco), de 13:00h a 15:00h. Prevista na aula 6 >>> PASA A IMPARTIRSE NA AULA 4.

////////// XOVES 18 //////////
- Dereito da Comunicación (CAV2, Patricia Valcárcel), de 09:00h a 14:00h. Prevista na aula 4 >>> PASA A IMPARTIRSE NO SEMINARIO 10.

- Tipografía e artes gráficas (PRP4, Pedro Pablo Gutiérrez), de 09:00h a 11:00h. Prevista na aula 6 >>> PASA A IMPARTIRSE NO SEMINARIO 12.

- Publicidade Internacional (PRP4, Sergio Frade), de 9:00h a 11:00h. Prevista na aula 8 >>> PASA A IMPARTIRSE NA AULA DE PRODUCIÓN.

- Comunicación de Crise (PRP4, Félix Blanco), de 9:00h a 11:00h. Prevista no seminario 3 >>> PASA A IMPARTIRSE NA AULA 4.
- Lenguaje Publicitario (PRP1, Ana Fernández Soneira), de 10:00h a 14:00h. Prevista aula 7 >>> PASA A IMPARTIRSE NO SEMINARIO 6.

- Tipografía e artes gráficas (PRP4, Pedro Pablo Gutiérrez), de 11:00h a 13:00h. Prevista na aula 6 >>> PASA A IMPARTIRSE NO SEMINARIO 12.

- Dirección de Comunicación (PRP4, María Isabel Míguez), de 11:00h a 13:00h. Prevista na aula 6 >>> PASA A IMPARTIRSE NA AULA 4.
- Comunicación de Crise (PRP4, Félix Blanco), de 11:00h a 13:00h. Prevista na aula 8 >>> PASA A IMPARTIRSE NA AULA DE PRODUCIÓN.
- Tipografía e artes gráficas (PRP4, Pedro Pablo Gutiérrez), de 13:00h a 15:00h. Prevista na aula 6 >>> PASA A IMPARTIRSE NA AULA 4.

////////// VENRES 19 //////////
- Xestión de Empresas (CAV2, Adela García-Pintos Escuder), de 09:00h a 11:00h. Prevista na aula 4 >>> PASA A IMPARTIRSE NO SEMINARIO 10.

- Publicidade Internacional (PRP4, Sergio Frade e Juan Manuel Corbacho), de 9:00h a 13:00h. Prevista na aula 8 >>> PASA A IMPARTIRSE NA AULA DE PRODUCIÓN.

- Teoría e Técnica da Comunicación Radiofónica (PRP4, Aurora García), de 09:00h a 11:00h. Prevista na aula 6 >>> PASA A IMPARTIRSE NA AULA 4.

- Teoría da Imaxe (PRP1, Alfredo G. Pinal), de 12:00h a 14:00h. Prevista no seminario 3 >>> PASA A IMPARTIRSE NO SEMINARIO 6.

- Comunicación Alternativa (PRP4, Mónica Valderrama), de 13:00h a 15:00h. Prevista na aula 6 >>> PASA A IMPARTIRSE NA AULA 4.

Cambios de aula por mor das probas de selectividade

A próxima semana (mércores 17, xoves 18 e venres 19) imos a celebrar nesta facultade as probas de acceso á Universidade, o que provocará un pequeno transtorno na actividade docente:

*** Os exames de selectividade vanse celebrar nas aulas 6, 7, 8 e no seminario 3. As clases previstas nestes espazos pasarán a impartirse nas seguintes aulas:

////////// MÉRCORES 17 //////////

- Comunicación de Crise (PRP4, Félix Blanco), de 9:00h a 11:00h. Prevista no seminario 3 >>> PASA A IMPARTIRSE NA AULA 4.
- RR.PP. e Protocolo (PRP4, Juan Manuel Corbacho), de 9:00h a 11:00h. Prevista na aula 8 >>> PASA A IMPARTIRSE NA AULA DE PRODUCIÓN.

 

- Lenguaje Publicitario (PRP1, Ana Fernández Soneira), de 10:00h a 14:00h. Prevista aula 7 >>> PASA A IMPARTIRSE NO SEMINARIO 6.

- Opinión Pública (PRP4, Aurora García), de 11:00h a 13:00h. Prevista na aula 6 >>> PASA A IMPARTIRSE NA AULA 4.

- Campañas de Imaxe e de RR.PP. (PRP4, Félix Blanco), de 13:00h a 15:00h. Prevista na aula 6 >>>PASA A IMPARTIRSE NA AULA 4.

////////// XOVES 18 //////////
- Dereito da Comunicación (CAV2, Patricia Valcárcel), de 09:00h a 14:00h. Prevista na aula 4 >>> PASA A IMPARTIRSE NO SEMINARIO 10.

- Publicidade Internacional (PRP4, Sergio Frade), de 9:00h a 11:00h. Prevista na aula 8 >>> PASA A IMPARTIRSE NA AULA DE PRODUCIÓN.

- Comunicación de Crise (PRP4, Félix Blanco), de 9:00h a 11:00h. Prevista no seminario 3 >>> PASA A IMPARTIRSE NA AULA 4.
- Dirección de Comunicación (PRP4, María Isabel Míguez), de 11:00h a 13:00h. Prevista na aula 6 >>>PASA A IMPARTIRSE NA AULA 4.
- Comunicación de Crise (PRP4, Félix Blanco), de 11:00h a 13:00h. Prevista na aula 8 >>> PASA A IMPARTIRSE NA AULA DE PRODUCIÓN.
- Tipografía e artes gráficas (PRP4, Pedro Pablo Gutiérrez), de 13:00h a 15:00h. Prevista na aula 6 >>>PASA A IMPARTIRSE NA AULA 4.

////////// VENRES 19 //////////
- Xestión de Empresas (CAV2, Adela García-Pintos Escuder), de 09:00h a 11:00h. Prevista na aula 4 >>> PASA A IMPARTIRSE NO SEMINARIO 10.

- Publicidade Internacional (PRP4, Sergio Frade e Juan Manuel Corbacho), de 9:00h a 13:00h. Prevista na aula 8 >>> PASA A IMPARTIRSE NA AULA DE PRODUCIÓN.

- Teoría e Técnica da Comunicación Radiofónica (PRP4, Aurora García), de 09:00h a 11:00h. Prevista na aula 6 >>> PASA A IMPARTIRSE NA AULA 4.

- Teoría da Imaxe (PRP1, Alfredo G. Pinal), de 12:00h a 14:00h. Prevista no seminario 3 >>> PASA A IMPARTIRSE NO SEMINARIO 6.

- Comunicación Alternativa (PRP4, Mónica Valderrama), de 13:00h a 15:00h. Prevista na aula 6 >>>PASA A IMPARTIRSE NA AULA 4.

URXENTE: Modificación matrícula materias optativas 4º curso

Estimados alumnos,

Os alumnos que estean interesados en modificar matrícula das materias optativas de cuardo curso terán que enivar HOXE os seguintes datos á coordinadora do Grao (mabelm@uvigo.es):

Nome e apelidos

D.N.I.

Materias que queren deixar.

Materias que queren escoller.

Só se autorizarán modificacións a materias que teñan prazas dispoñibles. Se hai máis solicitantes que prazas aplicaranse os mesmos criterios que no proceso de preinscrición.

Non se autorizarán modificacións de alumnos que envíen a información incompleta ou fóra de prazo.

Saúdios

Curso formación MEDIASET

Neste ENLACE podedes acceder ao programa de curso de formación que impartirán na Facultade profesionais do grupo Mediaset neste cuadrimestre.

O curso componse de varias sesións que terán lugar, previsiblemente, os venres pola tarde, aínda que pode haber algún cambio de última hora derivado da axenda dos ponentes, todos eles profesionais e directivos do grupo Mediaset que se teñen que desprazar desde Madrid.

Trátase dun curso gratuito, orientado a contidos de televisión e cine, ao que poden asistir alumnos e docentes do centro, ata completar aforo.

Prégovos que consultes o programa e que, se vos interesa, vos anotedes no correo electrónico que se indica antes do vindeiro xoves 18 de setembro.

Oferta Centro de Linguas

Estimados alumnos,

No seguinte ENLACE tendes dispoñible a oferta do Centro de Linguas para o Campus de Pontevedra.

Planificacións docentes

Estimados alumnos,

No seguinte ENLACE tendes disponible a planificación docente das materias do primeiro cuadrimestre, para que, de xeito orientativo, poidades ter unha idea da distribución da carga de traballo ao longo dos catro meses. Lembrade que é unha planificación aproximada, xa que pode perderse algunha clase por circunstancias sobrevidas ou pode haber algunha alteración polo propio ritmo que se estableza.
As planificacións das materias que faltan serán facilitadas polos propios docentes nas súas sesión de teoría ou práctica.

DATAS TFG CONVOCATORIA OUTUBRO

Data límite de entrega: 22 de outubro ás 14.00 horas por Rexistro.

Datas de defensa: 3 e 4 de novembro.

Dacordo co artigo 8 do Regulamento de Traballos de Fin de Grao os alumnos interesados en presentar o TFG deberán entregar, a través dun Rexistro Oficial da Universidade de Vigo, a seguinte documentación:

- Solicitude de presentación (modelo colgado no apartado de Documentos e Ligazóns, no apartado da materia na plataforma FAITIC), dirixida á Comisión.

- Tres copias do traballo en formato impreso ou tres copias en pen drive (un pen drive para cada integrante do Tribunal) e unha cuarta copia en CD/DVD.  

- Poderá aportarse a documentación ou material adicional que se estime oportuno para que sexa tomada en consideración polo Tribunal avaliador.

Corrección erro grupos alumnos 1º curso

Estimados alumnos,

Podedes atopar AQUÍ   o enlace ao novo documento de asignación a grupos, cunha corrección. Os grupos prácticos das materias de Lingua son os mesmos que os de Economía, aínda que no documento inicial non estaba específicado por erro.

Por tanto, os alumnos do grupo 1, que se corresponde nestas materias co grupo de prácticas A, terán clase de Lingua os mércores e xoves de 10.00 a 12.00 (práctica e teoría respectivamente) e clase de Economía os mércores e xoves de 12.00 a 14.00 horas (teoría e práctica respectivametne). 
No caso do grupo 2, grupo B de prácticas, terán Economía os mércores e xoves de 10.00 a 12.00 (práctica e teoría respectivamente) e Lingua os mércores e xoves de 12.00 a 14.00 horas (teoría e práctica respectivamente).

Saúdos

Grupos teoría e práctica

Estimados alumnos,


No documento que enlazo aquí podedes atopar a distribución en grupos de teoría e práctica para os cursos 1º, 2º e 3º do Grao.

Saúdos

Mabel Míguez

O día 12 de setembro non haberá clase

Estimados alumnos,

Con motivo da celebración dos actos oficiais de inicio de curso no Campus de Vigo, o venres da semana que vén, día 12 de setembro, non haberá clase.

Saúdos

HORARIO DE TITORÍAS 1º SEMESTRE

Estimados alumnos,

Se precisades resolver algunha cuestión comigo, podedes atoparme mañá venres no despacho 313, en horario de 11.00 a 13.00 horas.

A próxima semana comezará xa o meu horario normal de titorías, tanto para as materias como para as cuestións relativas á coordinación do Grao, que neste cuadrimestre será os luns de 9.30 a 14.00 horas e os xoves de 9.30 a 11.00 horas.

Saúdos

Mabel Míguez

Segundo prazo preinscrición materias optativas

Estimados alumnos de 4º curso,

Tal e como consta na resolución pola que se aprobou o procedemento de preinscrición nas materias optativas de 4º curso, o día 3 de setembro ábrese un segundo prazo de preinscrición para aqueles alumnos que non se preinscribiron en xullo ou que non se matricularon en ningunha das optativas no prazo de agosto.

Lembrade que este procedemento é SÓ para alumnos aos que non se lle asignaron materias en xullo ou que non se matricularon.

A preinscrición poderá realizarse entre os días 3 e 8 de setembro a través da Secretaría Virtual, indicando a orde de preferencia das materias.

Entre os días 9 e 12 de setembro realizarase a asignación de materias, tendo en conta só as materias que teñan prazas vacantes. Unha vez asignadas as materias, o prazo de matrícula será o establecido para modificación de matrícula de materias do 1º e 2º semestre, do 15 ao 19 de setembro.

No caso dos alumnos de intercambio que non cursen docencia na Uvigo no primeiro semestre pero que deban matricularse igualmente, asignaranse as materias que soliciten, en función do seu contrato de estudos, dado que non ocupan praza. Aínda así, é conveniente que formalicen a preinscrición e que me remitan un correo indicando a súa condición de estudantes de intercambio. O ideal, se están dentro de prazo, é que agarden a que estea tramitado o seu contrato de estudos.

Comezo do curso académico 2014-2015

Estimados alumnos,

Esta semana comeza o curso académico 2014-2015.

O mércores, 3 de setembro, terá lugar o acto de presentación para alumnos de primeiro curso. Os días 4 e 5 de setembro, presentaranse as materias do primeiro cuadrimestre, dacordo co calendario que tendes colgado na páxina web da Facultade. A próxima semana comezarán xa as sesións teóricas con total normalidade e na semana do 15 de setembro darán comezo tamén as clases prácticas.

No caso dos cursos 1º, 2º e 3º, o venres 5 tratarei de informarvos da composición dos grupos teóricos e prácticos, para que saibades qué horario vos corresponde. 

No caso dos alumnos de 4º curso, o horario deberá configurarse particularmente en función das materias optativas das que se estea matriculado. O alumno poderá asistir aos grupos que máis lle conveña de cada materia, sempre e cando os grupos resultantes queden equilibrados en canto a número de alumnos. No caso de que existan desequilibrios importantes, os profesores poderán tratar de axustar os grupos, atendendo ás incompatibilidades que os alumnos poidan ter por mor doutras materias.

Saúdos e benvidos
Mabel Míguez

Resolución Comisión TFG: cualificacións xullo

Os alumnos matriculados en TFG poden acceder na plataforma FAITIC á resolución da Comisión de TFG na que se ratifican as cualificacións outorgadas polos tribunais. Se algún alumno desexa presentar unha reclamación debe colgar un escrito, argumentando os motivos do seu desacordo coa cualificación, no apartado de Exercicios da plataforma FAITIC. O prazo remata o 28 de xullo.

Resolución comisión TFG 2 de xullo

Está publicada na plataforma FAITIC, para os alumnos matriculados na materia, a resolución da Comisión de TFG de 2 de xullo, na que se asignan os traballos que se defenderán nesta convocatoria aos tribunais.

Prácticas preprofesionais fundación MARCO

Difundo esta OFERTA DE PRÁCTICAS xestionada pola Área de Emprego da Universidade de Vigo, para a Fundación Marco, por se fose do voso interese.

Resolución procedemento preinscrición en materias optativas de 4º curso

Estimados alumnos de 3º curso,

Tendes no seguinte ENLACE o texto definitivo da resolución pola que se aprobou o procedemento de preinscrición nas materias optativas de 4º curso.

Lembrade que, segundo este procedemento, entre os días 5 e 16 de xullo tendes que preinscribirvos das materias optativas a través da Secretaría Virtual, indicando a vosa orde de preferencia en relación coas dez materias.

Tras este período realizarase unha asignación de materias dacordo cos criterios establecidos na resolución e no mes de agosto teredes que formalizar a matricula nas materias que vos foron asignadas.

Saúdos

ÚLTIMO DÍA: ENQUISA AVALIACIÓN SATISFACCIÓN TITULACIÓNS

Estimados alumnos,

Hoxe remata o prazo para cubrir a enquisa de satisfacción coas titulacións a través da secretaría virtual (http://seix.uvigo.es).

Ata este momento, só 38 alumnos cubriron a enquisa, fronte aos 73 do curso anterior.

Pregaríavos que fixerades un esforzo por acceder á secretaría e cubrir o cuestionario. 

Son só uns minutos. 

Grazas pola vosa colaboración

ENQUISA AVALIACIÓN SATISFACCIÓN COAS TITULACIÓNS

O día 6 de xuño remata o prazo ampliado para cubrir a enquisa de avaliación da satisfacción coas titulacións a través da Secretaría Virtual (https://seix.uvigo.es).

A día de hoxe, só 22 de 414 alumnos a cubriron (5,3%). Se esta porcentaxe non se incrementa, os resultados non se terán en conta por falta de representatividade. 

Por favor, accedede á Secretaría Virtual, buscade o apartado de "Enquisa de avaliación da satisfacción das titulacións oficiais" e cubrídea. Son só uns minutos.

Comunícovos tamén que a partir do próximo curso, esta enquisa só terán que realizala os alumnos de 3º curso de grao.

Grazas pola vosa colaboración

Presentación sobre materias optativas e estructura do 4º curso

Axúntase o ENLACE á presentación sobre o cuarto curso, en especial sobre materias optativas, que se expuxo onte na reunión cos alumnos de 3º de Grao.

Reunión informativa para alumnos de 3º curso

Lémbrovos que o próximo luns, a iso das 12.00 (ao rematar o exame de Producción publicitaria en medios audiovisuais) temos unha reunión para informarvos de cuestións relativas ao 4º curso, seguida dunha reunión de PAT con Carmen López de Aguileta.

A reunión será na AULA 5.

É fundamental a vosa asistencia, xa que se informará do NOVOS proceso de preinscrición en materias optativas.

Saúdos

IMPORTANTE: Enquisas de avaliación da satisfacción das titulacións

O día 23 remata o prazo para cubrir a enquisa de avaliación da satisfacción coas titulacións a través da Secretaría Virtual (https://seix.uvigo.es).

A día de hoxe, só 11 de 414 alumnos cubriron a enquisa e éste é un problema grave. Tende en conta que un dos puntos febles que nos fixeron constar recentemente os avaliadores do proxecto piloto de renovación da acreditación do título foi, precisamente, a escasa participación nestas enquisas.

Lémbrovos que esta enquisa non é a enquisa de avaliación docente que se pasa cada cuadrimestre en tódalas materias. É un cuestionario distinto, relativo a aspectos xerais da titulación, e só pode cubrirse a través da Secretaría Virtual. 

Os resultados desta enquisa analízanse e téñense en conta para poñer en marcha cambios e melloras nos títulos, sempre e cando os datos sexan representativos. Se a enquisa está cuberta só por 11 de 414 persoas, os resultados non son válidos e non se consideran.

Son só uns minutos. Pídovos, por favor, a vosa colaboración.

Os alumnos de 4º buscan azafatos/as para o seu acto de graduación

Os alumnos de 4º curso están organizando o seu acto de graduación e precisarían voluntarios que poidan axudarlles actuando como azafatos e azafatas. O acto terá lugar o 20 de xuño ás 18.30 horas na Facultade.

Se alguén está interesado pode contactar coa comisión organizadora a través do correo publigraduacion@gmail.com.

Aula para estudio en período de exames

Comunícovos que o decanato do centro decidiu habilitar a aula 3  para o estudo durante o período de exames. Así, os alumnos poderedes facer uso dela entre as 9.00 e as 22.00 horas.

Lémbrovos que se habilita coa finalidade de facilitar un espazo de estudo a maiores da biblioteca, polo que vos prego que non a empreguedes con outros fins como a elaboración de traballos e que manteñades o silencio para non perxudicar a outros compañeiros.

Presentación do Festival We Are Ads

O xoves 15 de maio, ás 12.00 horas, terá lugar no Salón de Graos da Facultade a presentación para alumnos, docentes e medios de comunicación do Festival de publicidade We Are Ads.

Organizado por alumnos do Grao en Publicidade e Relacións Públicas o Festival desenvolverase en xaneiro de 2015 e os estudantes da titulación poderán presentar os seus traballos ante un xurado profesional que premiará os mellores de cada categoría.

Aquí tendes o cartel e  o dossier informativo.

Reunión de coordinación cos alumnos de 3º curso

O luns 26 de maio, ao finalizar o exame de Producción publicitaria en medios audiovisuais, os alumnos do 3º curso están convocados a unha reunión informativa coa coordinadora do Grao para abordar cuestións relativas ao desenvolvemento do próximo curso (información sobre a estructura do curso, materias optativas, TFG, etc.).

Ao finalizar esta reunión, os alumnos terán unha sesión de PAT coa súa titora, Carmen López de Aguileta.

Informareivos do lugar da reunión en canto estean distribuídas as aulas para os exames.

Saúdos

Enquisas de avaliación da satisfacción das titulacións

Estimados alumnos,

Lembrade que ata o día 23 de maio está aberto o prazo de realización das  enquisas de avaliación da satisfacción das titulacións oficiais  da Universidade de Vigo.

A recollida da vosa opinión, mediante estas enquisas, é fundamental para a mellora continua das titulacións, polo que vos agradecería que dedicarades uns minutos a cubrila.

Podedes acceder a ela a través da Secretaría Virtual

A enquisa é anónima e confidencial. 

Grazas pola vosa colaboración

Saúdos

Mabel Míguez

Renovación da acreditación do Grao en Publicidade e Relacións Públicas: visitas os días 22 e 23 de abril

Estimados alumnos,

Lémbrovos que mañá e pasado, 22 e 23 de abril, imos recibir na Facultade a visita dun Comité de avaliadores que se encargarán de verificar, mediante entrevistas e consulta de documentación, se o Grao en Publicidade e Relacións Públicas se está desenvolvendo axeitadamente.

Dada a relevancia do proceso, do que xa vos informamos anteriormente, pregaríavos a máxima colaboración no caso de que se solicite a vosa axuda puntual.

Infórmovos, así mesmo, de que o mércores 23, ás 13.15 horas, o Comité recibirá en audiencia aberta, no Salón de Graos, a todos aqueles integrantes da comunidade universitaria que queiran ser partícipes activos do proceso.

Saúdos

Mabel Míguez

I Premio Universitario La Caixa de Comunicación Científica

La Caixa e GCiencia, a web da ciencia galega, convocan a primeira edición do Premio Universitario La Caixa de Comunicación Científica, baixo o lema “Contar a Ciencia”. O premio quere poñer en valor o xornalismo científico entre os futuros profesionais. Tamén, dar a coñecer a investigación que se fai en Galicia, de xeito que a descubran os propios estudantes de comunicación nas universidades nas que cursan os seus estudos. 

Os candidatos presentarán a GCiencia (www.gciencia.com) unha proposta de reportaxe ou entrevista sobre un tema científico que se desenvolva na Universidade á que pertencen. As reportaxes o entrevistas poderán ser escritas ou audiovisuais. 

Prazos:

Ata 11 de abril: envío das propostas. Unicamente se debe enviar un título e subtítulo provisionais, e un resumo dun máximo de 400 caracteres, espazos incluídos. O xurado seleccionará oito destas propostas para que sexan desenvolvidas.

Do 21 de abril ó 12 de maio: envío de traballos completos das oito propostas seleccionadas.

Do 12 de maio ó 5 de xuño: publicación dos oito traballos en www.gciencia.com.

16 de xuño: Fallo do xurado. O traballo gañador será novamente publicado, cunha reportaxe sobre os gañadores. O premio consistirá nunha tablet Kindle FIRE para cada un dos firmantes gañadores e diploma acreditativo para os 7 finalistas.

Máis info

Enquisas de Avaliación da Satisfacción das Titulacións

Estimados alumnos,

Desde hoxe e ata o próximo 23 de maio está aberto o prazo para a realización das Enquisas de Avaliación da Satisfacción das Titulacións Oficiais da Universidade de Vigo.

A recollida da opinión dos alumnos mediante as enquisas resulta imprescindible para a mellora das titulacións, polo que a vosa colaboración é fundamental.

Podedes acceder á enquisa a través da Secretaría Virtual (https://seix.uvigo.es/uvigo.sv/), apartado Enquisas.

A enquisa é anónima e confidencial.

Podedes atopar máis información sobre estas enquisas premendo AQUÍ

Grazas pola vosa colaboración

Prazo de presentación de candidaturas de estudantes á Xunta de Facultade ata o martes 25 de marzo

O próximo martes, 25 de marzo, remata o prazo para presentar as candidaturas de estudantes para a Xunta de Facultade.

Lembrade que na Xunta de Facultade pode haber ata 18 representantes de alumnos dos tres graos que se imparten no centro.

Se estades interesados en presentarvos só tendes que cubrir o impreso correspondente en Decanato (3º andar).

No caso de que haxa máis candidatos que postos vacantes, a votación terá lugar o día 9 de abril. Tendo en conta a relevancia da vosa presencia nesta Xunta anímovos a presentar as vosas candidaturas, sobre todo aos alumnos de 1º e 2º curso, xa que a elección faise para un período de dous anos. As obrigas dos alumnos que sexan elixidos consisten en asistir ás reunións da Xunta de Facultade (polo xeral, dúas ou tres por semestre), votar nas cuestións que alí se traten en representación dos restantes compañeiros e expoñer as suxestións, consultas ou peticións que consideredes oportuno.

Oferta de prácticas

Remítovos esta información que me facilitou a profesora Beatriz Legerén, dirixda a especialmente a alumnos de terceiro e cuarto de Publicidade e Relacións Públicas

"Productora de eventos, marketing y comunicación de la ciudad de Ferrol, selecciona personal para ampliar su equipo de trabajo. Se busca persona polivalente con perfil creativo y dinámico. Se valoran conocimientos, experiencia y aptitudes en:
- Generación de ideas.
- Diseño y gestión de proyectos.
- Comunicación y relaciones públicas.
- Producción técnica y artística de eventos.
Incorporación inmediata. Contrato a tiempo parcial para los meses de Abril
y Mayo prorrogable a jornada completa hasta Septiembre."
Interesados enviar cv a blegeren@uvigo.es antes del miércoles dia 26 de marzo

Renovación da acreditación do Grao en Publicidade e Relacións Públicas: visitas os días 22 e 23 de abril

Estimados alumnos,

Ao longo dos próximos días os vosos titores de curso informaranvos do proceso de renovación de acreditación do título no que está inmersa a Facultade.

Tódolos títulos oficiais do sistema universitario español deben renovar cada seis anos a súa acreditación ante a ACSUG (Axencia de Calidade do Sistema Universitario Galego) para poder continuar impartíndose. A pesar de que ó noso Grao aínda non lle correspondería acadar esta acreditación, o centro está incluído nun programa piloto da ACSUG polo que se adianta este proceso para tódalas titulacións que aquí se imparten.

Polo tanto, os días 22 e 23 de abril recibiremos a visita dun Comité Avaliador que se encargará de verificar se o título se está desenvolvendo correctamente, conforme ao establecido na Memoria aprobada no seu momento pola ANECA (Axencia Nacional de Evaluación de la Calidad). Para iso, ademais de revisar documentación, manterá entrevistas e reunións con tódolos colectivos implicados no desenvolvemento do Grao, incluídos vós, os alumnos.

Desde a Coordinación do Grao prégovos a máxima colaboración neste proceso, no que somos pioneiros e que resulta de vital importancia para a proxección da Facultade, do título e, xa que logo, do voso futuro como graduados do centro.

Axúntovos o cartel informativo que veredes nas paredes a partir dos próximos días.